Masuul xukumada Siilaanyo iska casilay oo Muqdisho ka degay

Posted by By Dalweyn Media at 22 July, at 01 : 06 AM Print

Dalweyn com  agaasimahii guud ee wasaaraada maaliyada Somaliland Jaamac Axmed Oday oo kal-hore iskii shaqada isaga casilay ayaa la xaqiijiyey inuu socdaal siyaasadeed iyo safar indha-indhayena u tegay caasimada Somaliya Muqdisho. Agaasimaha oo uu weheliyo masuul kale oo ay isku beel ka soo jeedaan ayaa warar xogogaal ahi noo xaqiijiyeen inuu gaadhay Muqdisho dhawaan si sibiqina u dhex maquurtay fagaarayaasha ololaha doorashada madaxtooyada ee Somaliya ka socdaan siiba xarunta oday dhaqameedyada hoyga u ah balse weli ma cada inuu Jaamac Oday liiska Madax-dhaqameedyada ku biiray iyo inuu xubin siyaasiya metelaayo.

Jaamac Oday ayaa markii uu iska casilay xilka Agaasimaha guud ee wasaarada maaliyada Somaliland sheegay inuu deeq waxbarasho ka helay jaamacad aanu magacaabin oo ku taalla dalka Kenya ,wuxuuna beeniyey warar xiligaas warbaahintu qortay oo sheegaayey inuu u xusul duuban yahay inuu ku biiro Duubabka beesha Habrjeclo.

Jaamac Oday oo lagu tilmaamo qof xagga dhaqanka ku xeeldheer ayaa saaxiib weyn la ah islamarkaaba xidhiidh dhow la leh wasiirka madaxtooyada Somaliland Xirsi Cali Xasan oo ay isku beel ka soo jeedaan,waxaana lagu xaman jiray inuu ka mid ahaa mus-danbeedka talooyinkay jeediyaan iyagoo wareegto ah madaxtooyada ka soo baxaan.

News Somali News